Апроект ахарџьынҵа – 2 млн 378 нызықь мааҭ рҟынӡа инаӡоит. Иахьазы инагӡоу аусурақәа рхарџьынҵа 1 млн 660 нызықь мааҭ рҟынӡа инаӡоит. Афинанстәра мҩаԥгахоит Ҭҟәарчал араион абиуџьеҭ аҟынтәи.
Ацҳа аҿы ишьҭаҵахо ахаҳәцәы иҷыдоу атехнологиала иҟаҵоуп, уи ацәаакырачҳара ӷәӷәаны иамоуп, 30 шықәса иреиҵамкәа анҵыра амазаауеит.
Ҭҟәарчал араион ахада Исидор Дочиа иажәақәа рыла, ацҳа аиқәыршәазаара ақалақь ауааԥсыра рзы акыр аҵанакуеит. Уи аестетикатә адагьы ахархәаратә ҟазшьа цыда амоуп. Избан акәзар аӡәырҩы, иаагозар ашколхәыҷқәа, ари ацҳа мышкахьы изныкымкәа иқәсуеит. «Ҳара уи ахьӡ аԥсахра ҳгәы иҭоуп. Уаанӡа уи Грестәи ацҳа ҳәа иашьҭан, шьҭарнахыс «Ацҳа шкәакәа» ҳәа иахьӡзаауеит,» - ҳәа еиҭеиҳәеит Ҭҟәарчал араион ахада.
