Аҟәа. Рашәарамза 22, 2023 шықәса. Аԥсныпресс. Аԥсны Ахәаахәҭра-ааглыхратә Палата Апрезидент Ҭамила Мерцхулаа Жәларбжьаратәи ахәаахәҭратә палатеи Адунеизегьтәи апалатақәа Рфедерациеи Женеватәи ахәаахәҭреи ааглыхреи амаҵзурақәеи рпалатеи рыла еиҿкаау ахәаахәҭратә палатақәа XIII Адунеизегьтәи рконгресс лхы алалырхәуеит.
Аконгресс Женева ақалақь (Швеицариа), жәларбжьаратәи ахәаахәҭра-цәыргақәҵатә центр «Palexpo» аҿы имҩаԥысуеит.
Иахьа имариам агеополитикатә ҭагылазаашьа шыҟоугьы, Аԥсны Ахәаахәҭра-ааглыхратә Палата абар хәынтәуп Адунеизегьтәи аконгресс аҿы ҳреспубликеи аԥснытәи абизнес еилазаареи аинтересқәеи рӡыргара мҩаԥго ари аусмҩаԥгатә иалахәхоижьҭеи, - ҳәа адырра ҟаҵоуп Аԥсны Аҳәынҭқарра Ахәаахәҭра-Ааглыхратә Палата асаит аҿы.
«Ҳара ҳзы аконгресс – ари баша усмҩаԥгатәны иҟаӡам, уи реалла иҟоу аԥсҭазааратә ԥышәа ала ишьаҭарку апартниортә еизыҟазаашьақәа рыҿиареи рышьақәгылареи абизнес ацхыраара аҭареи атәыла аҿы аусдкылара аҿиареи рзы иҿыцу адыррақәа раиура рзы зеиӷьаҟам платформаны иҟоуп. Ҳара ас еиԥш аҵак ду змоу аусмҩаԥгатә алахәхара ҷыдала ахшыҩзышьҭра аҳҭоит. Уи зыгәра угаратәы иҟоу абизнес-партниор иаҳасабала жәларбжьаратәи аилазаара аҿы ахаԥшьгара анаҩс, егьырҭ алахәылацәа зегьы ҳраҟараны наҟ-ааҟтәи аинтерес аарԥшразы алшара ҳанаҭоит. Жәларбжьаратәи апартниорцәа адиалог амҩаԥгара азхиара аадырԥшуеит», – ҳәа илҳәеит Ҭамила Мерцхәлаа.
Аконгресс аусура актәи амш азы Аԥсны Ахәаахәҭра-ааглыхратә Палата апрезидент Женеватәи ахәааахәҭреи ааглыхреи амаҵзурақәеи рпалата апрезидент Винсент Сибилиа, иара убас Македониа, Индонезиа, Сербиа, Мексика, Лондони Турини рыхәхаахәҭра-ааглыхратә Палатақәа рҟынтәи лколлегацәеи Израили Дубаи Рыхәҳаахәҭра-ааглыхратә Палатақәа рыпрезидентцәеи дырԥылеит.
Аԥсны Ахәаахәҭра-ааглыхратә Палата апрезидент Ҭамила-Мерцхәлаа длыцуп Аԥсны Ахәаахәҭра-ааглыхратә Палата адәныҟатәи аимадарақәеи аинвестициақәеи Русбарҭа анапхгаҩы Наала Басариа.
Аконгресс хымш ирҭагӡоу апрограмма «Ганрацәалатәи аизыҟазаашьақәа рыпринцип ала ишьаҭарку аҭынчреи аизҳазыӷьареи рышьақәгылара» адевиз ала имҩаԥысуеит. Уи алахәылацәа ҳаамҭазтәи адунеи даара хадара злоу апроблемақәа ирыхәаԥшраны иҟоуп, иара убас адунеи аҿы еицырдыруа абизнес аԥхьагылаҩцәа ирԥылоит, ирыҿцәажәоит, ԥышәала аимадара мҩаԥыргоит.
Ахәаахәҭра-ааглыхратә палатақәа рхадацәа ҩы-шықәса рахь знык жәларбжьаратәи аплошьадка аҿы аиԥылареи жәларбжьаратәи ахәаахәҭра аҿы аимадара аиҿкаареи рзы алшара рымоуп. Убри аан, ахәаахәҭра-ааглыхратә палата анапхгараҭареи уи инанагӡо амаҵзурақәа рхыԥхьаӡара аизырҳареи рганахьала аԥышәа аимдара ҷыдала ахшыҩзышьҭра аҭахоит.
XIV Адунеизегьтәи ахәаахәҭратә палатақәа рконгресс 2025 шықәсазы имҩаԥысуеит.
