Асабша, рашәарамза 17 рзы, зан илыцны аекскурсиаҿы иҟаз, 2019 шықәса рзы ииз Алеқсандр Вакулич Риҵатәи ареликтә парк аҿы Гега аӡиас далаҳаит. Аҷкәын хәыҷы аӡы дагеит.
Аԥшаареиқәырхаратә усмҩаԥгатәқәа аиқәырхаҩцәа ирыцны рхы аладырхәуеит Риҵатәи Ареликтә милаҭтә Парк аусзуҩцәагьы.
Гега аӡиас Бзыԥ аӡиас арыӷьаратәи аӡымахә ауп. Уи ахы ыҵнахуеит 1640 м. рҟынӡа инаӡо аҳаракыра аҿы. Аӡиас аӡышьҭра даара иԥшӡоу иҭшәоу аҩхаа аҿы иҟоуп, убри иахҟьаны ари аӡиас амҩасра иахьаҵанакуа даара ирацәаны аӡхыҽҽарақәеи аӡҭаҽҽақәеи уԥылоит.
