Аиҿкаара аилазаара иара убас иалалеит Жәлар Реизара-Апарламент ахԥатәии аԥшьбатәии ааԥхьара Аиҳабы Ныгәзар Ашәба, атәыла адәныҟатәи аусқәа рминистр ԥыхьатәи ихаҭыԥуаҩ Зураб Смыр, иара убас Урыстәыла иҟоу Аԥсны ахәаахәҭратә хаҭарнак Олег Барцыц.
Аклуб аперспективтә хыдҵақәа ируакуп – Урыстәылеи Ихьыԥшым Аҳәынҭқаррақәа Реиҩызара атәылақәеи рҿы иҟоу аиԥш-зеиԥшу аиҿкаарақәа аимадара рыбжьаҵара.
Иазԥхьагәаҭоуп аудиториа ду алархәра иазку астол гьежьқәа рымҩаԥгара аҳасабала аусура иаарту аформат амҩаԥгара. Агәаанагарақәеи аидеиақәеи реибыҳәара азы ааԥхьара рыҭахоит аполитикцәа, ауаажәларратә усзуҩцәа, ауаажәларратә еилазаара ахаҭарнакцәа, иара убас ажурналистцәа. Аиԥыларақәа рымҩаԥгара аҭыԥқәеи арыцхәи рзы адырра ҟаҵахоит аусмҩаԥгатәқәа рымҩаԥгара ԥыҭрааамҭак шьыбжьоу.
