Аиԥылара аҳәаақәа ирҭагӡаны имҩаԥысит Аԥснытәи аҳәынҭқарратә Университети Урыстәылатәи адукатуреи анотариати Ракадемиеи аусеицуразы Аиқәшаҳаҭра рыбжьаҵара иазкыз ацеремониа. 

Аганқәа иреиҳаӡоу аҵарадырра аганахьала аусеицура, ахәҭакахьала аспирантуреи адокторантуреи иадҳәалоу азҵаарақәа жәпакы ирылацәажәеит.

Аиԥылара рхы аладырхәит ААУ актәи апроректор Роман Дбар, анаукатә усуразы апроректор Џьулиетта Адлеиба, жәларбжьаратәи аимадарақәеи аекономикатә зҵаарақәеи рзы апроректор Максим Ӷәынџьиа, азиндырратә факультет адекан Сергеи Смыр, уҳәа убас егьырҭгьы.