Иҷыдоу ҩ-рубрикак еицырдыруа аԥсуа шәҟәыҩҩцәа Кәымф Ломиеи (14.02.1928 – 09.03.1999шш.), Гьаргь Гәыблиеи (15.05.1928 – 06.11.2019шш.) иижьҭеи 95-шықәса аҵра иазкуп.

Арубрика «Аҿар рыбжьы» аҿы икьыԥхьхеит Џьамбул Инџьгиа, Аслан Занҭариа ражәеинраалақәеи Иван Миқаа иажәабжьқәеи.

Арубрика «Иҿыцу аиҭагақәа» аҿы  икьыԥхьуп  Уилиам Шекспир итрагедиа «Король Лир» аиҭага. Аԥсуа бызшәахьы уи еиҭеигеит Геннади Аламиа.

Аномер иара убас ианылеит ажурнал «Алашара» аредактор хада Анатоли Лагәлаа иажәеинраалақәа, ипародиақәа, иепиграммақәа. Аԥсны Анаукақәа Ракадемиа алахәыла-акорреспондент Виачеслав Бигәаа истатиа иҳаҩсыз ашәышықәса 50-тәи – 90-тәи ашықәсқәа рзы аԥсуа литературатә процесс иазкуп.  

Арубрика «Аԥсуаҭҵаара» аҿы икьыԥхьхеит аҭоурыхтә наукақәа рдоктор Валери Бигәаа Аԥсны асасдкылара атрадициақәа ирызку истатиа.

Наала Касланӡиа лыстатиа Леонидаа рдинастиеи аԥснытәи Багратидааи рдинастиеи иазкуп.   

Ажурнал иара убас ианылеит апоект Иуа Когониа изку Инал Гыцба илитературадырратә статиа, иара убас Алина Ачба, Фатима Лакрба, Наҭелла Цәеиба рнаукатә статиақәа.