Ҳара ҳаззыгәдуу ҳамоуп, ҳахәшәтәырҭақәа рҟны аус руеит зус иазҟазоу, здырра ҳараку, аҧышәа ду змоу ауаа.
Иара убри аангьы, хықәкыла аус здаҳулашагьы ыҟоуп. Амедицинатә ҭҵаарадырреи атехнологиақәеи рыҿиара еснагь аҵареи аҧышәа аизырҳареи, арҿыцреи рҭахуп, шәдыррақәеи шәԥышәеи есқьынгьы актуалра, алҵшәа бзиа рымазарц. Атәыла анапхгара шәара шәыцхыраарала агәабзиарахьчара аусхк аҟны алҵшәақәа реиӷьтәразы иалшо зегьы ҟанаҵоит.
Ҳҿаҧхьа иқәгылоуп ахәышәтәреи ачымазараҭҵаареи рзы аметод ҿыцқәа аус рыдулара, амедицинатә усбарҭақәа ҳаамҭазтәи амыругақәа рыла реиқәыршәара, ареспубликаҟны амедицинатә усхк аԥхьаҟагьы арҿиара зылшаша аспециалистцәа ҿарацәа разыҟаҵара иазку ауснагӡатәқәа. Ҳәарада,абри инаваргыланы, ҳәоуеиқәшәарала аусеицура ҳтәылауаа зегьы зхаҭабзиара ҳараку амедицинатә цхыраара рыҭара аус иацхраауеит.
Абри аныҳәамш азы гәык-ҧсык ала ишәзеиӷьасшьар сҭахуп агәабзиара, анасыԥ, аихьӡарақәа. Имариам шәусура абзабаа ацзаааит, ишәхәышәтәуа шәчымазцәа рлакҭа хаа шәыгымзааит.
Даҽазныкгьы ишәыдысныҳәалоит иахьатәи шәныҳәа, акыр иаҳзаԥсоу амедицинатә усзуҩцәа!»
