16.Рашәара.2023
Аӡымҩангага аԥхсҭахара иахҟьаны Аҟәа ахәҭак ӡыда иаанхеит.
Аҟәа. Рашәарамза 16, 2023 шықәса. Аԥсныпресс. Аҟәа ақалақь, О.Беигәуа имҩала инагоу аӡымҩангага шәыра ԥхасҭахеит. Аиԥҟьара аԥшьаша, рашәарамза 15 рзы ҽынла ауп ианыҟала. «Аӡыканал» аусзуҩцәа аус руан рашәарамза 16, асааҭ ҩба рҟынӡа. Иахьа, амш агәазы ӡыла аиқәыршәара еиҭашьақәыргылахеит. Абри атәы Аԥсныпресс акорреспондент диҿцәажәо иҳәеит Амуниципалтә Унитартә Наплакы «Аӡыканал» аиҳабы Даур Пачкориа.
