Урыстәылатәи аҳәаахьчаҩцәа аԥшааратә усмҩаԥгатәқәа рҿы рхы иадырхәоит акатер. Аха Ԥсоу аҟәара аӡиас аҩганк рҿы имҩаԥгаз аԥшааратә усмҩаԥгатәқәа макьаназы илҵшәаданы иаанхоит. Аԥшаарақәа рашәарамза 16 рзы ирыцҵахоит.
15.Рашәара.2023
Иҷыдоу аҭагылазаашьақәа рзы Аминистрра аусзуҩцәа Ԥсоу аӡиас аҿы хабарда ибжьаӡыз ахаҵа иԥшаара мҩаԥыргоит.
Аҟәа. Рашәарамза 15, 2023 шықәса. Аԥсныпресс. Шәагаала имаҷу аӷбақәа рзы Аҳәынҭқарратә инспекциа аӡхәыҵалацәа, Гагра ақалақь абылра-хьчаратә отриад аусзуҩцәа, ареспублика азинхьчаратә усбарҭақәа, иара убас урыстәылатәи аҳәаахьчаҩцәа рашәарамза 15 рзы, ашьыжь шаанӡа аҟәара аҟынтәи аӡиас Ԥсоу ахь иԥаз Урыстәыла атәылауаҩ Сергеи Проидин иԥшаара мҩаԥыргоит, ҳәа иаанацҳауеит Иҷыдоу аҭагылазаашьақәа рзы Аминистрра апресс-маҵзура.
«Иҟалаз ахҭыс зыблала избаз ракәхеит аԥснытәи амилициа аусзуҩцәа. Урҭ роуп иҟалаз ахҭыс азы аиқәырхаҩцәа адырра рызҭазгьы. Иҷыдоу аҭагылазаашьа азы адырра Аԥсны Иҷыдоу аҭагылазаашьақәа рзы Аминистрра аԥыԥшырҭатә пульт ахь иҟалеит аԥшьаша, рашәарамза 15, ашьжьымҭан, асааҭ 8 рзы», - ҳәа иазгәаҭоуп адырраҭара атекст аҿы.
