Аҟәа. Рашәарамза 8, 2023 шықәса. Аԥсныпресс. Апарламент Аԥсны абиуџьеҭнҭыҵтәи афондқәа хәба 2022 шықәсазы рбиуџьеҭқәа шьақәнарӷәӷәеит. Зыӡбахә ҳәоу Атәанчаҩратә фонд, ихымԥадатәиу амедицинатә бгаԥса Афонд, 1992-1993 шш. Аԥсны жәлар Рџьынџьтәылатәи еибашьра аветеранцәа рбиуџьетныҵтәи Афонд, Асоциалтә бгаԥсеи аџьа ахьчареи рзы Афонди Амҩатә Фонди.
Арепатриациа Афонд абиуџьет анагӡаразы аҳасабырба иарбоу аилатәараҿы иахәамԥшӡеит.
Иҳаҩсыз ашықәс азы Атәанчаҩратә Фонд ахашәалахәқәа 1 362 397,7 нызықь мааҭ рҟынӡа инаӡоит, аныхтәқәа – 1 295 861,6 нызықь мааҭ рҟынӡа инаӡоит. Ажьырныҳәамза 1, 2023 шықәсазы Афонд аԥаратә хархәагақәа рцәынха – 83 654,2 нызықь мааҭ рҟынӡа инаӡоит.
Ихымԥадатәиу амедицинатә бгаԥса Афонд ахашәалахәқәа – 54 490,0 нызықь мааҭ рҟынӡа инаӡеит, аныхтәқәа – 55 311,5 нызықь мааҭ рҟынӡа инаӡеит.; Ажьырныҳәамза 1, 2023 шықәсазы Афонд аԥаратә хархәагақәа рцәынха –1 917,7 нызықь мааҭ рҟынӡа инаӡеит.
1992-1993 шш. Аԥсны жәлар Рџьынџьтәылатәи еибашьра аветеранцәа рбиуџьетныҵтәи Афонд ахашәалахәқәа – 165 414,0 нызықь мааҭ рҟынӡа инаӡоит, мамзагьы 99,5%, аныхтәқәа - 163 577,4 нызықь мааҭ рҟынӡа инаӡоит, мамзагьы 98,4%. Ажьырныҳәамза 1, 2023 шықәсазы Афонд аԥаратә хархәагақәа рцәынха – 18 265,6 нызықь мааҭ рҟынӡа инаӡеит.
Асоциалтә бгаԥсеи аџьа ахьчареи рзы Афонд ахашәалахәқәа – 146 191,5 нызықь мааҭ рҟынӡа инаӡоит, аныхтәқәа – 113 723,7 нызықь мааҭ рҟынӡа инаӡоит.; Ажьырныҳәамза 1, 2023 шықәсазы Афонд аԥаратә хархәагақәа рцәынха – 46 242,9 нызықь мааҭ рҟынӡа инаӡоит.
Амҩатә фонд ахашәалахәқәа – 95 363,5 нызықь мааҭ рҟынӡа инаӡоит, аныхтәқәа – 102 832,1 нызықь мааҭ; Ажьырныҳәамза 1, 2023 шықәсазы Афонд аԥаратә хархәагақәа рцәынха – 5 364,7 нызықь мааҭ рҟынӡа инаӡоит.
