Аҟәа. Рашәарамза 5, 2023 шықәса. Аԥсныпресс. Аԥсны иҟоу Урыстәыла Алада арратә Округ аруаа иааҳакәыршаны иҟоу аԥсабара ахьчара Адунеизегьтәи Амш азы амшын аԥшаҳәа аҵакыра агәам-сам аҟынтәи арыцқьара иазкыз акциа “Ицқьоу аҟәара” мҩаԥыргеит, ҳәа адырра ҟанаҵоит Урыстәыла Алада-арратә Округ апресс-маҵзура.
Аекологиатә десант Гәдоуҭатәи, Очамчыратәи, Гәылрыԥшьтәи араионқәа рҿы 50 квадраттә метра рҟынӡа инаӡо амшын аԥшаҳәа иаԥну арратә ҽазыҟаҵарақәа рполигонқәа рҵакырақәа рҿы аиҳарак апластик злоу агәам-сам аҟынтәи арыцқьара мҩаԥыргеит.
Аруаа Аԥсны Амшын Еиқәа аԥшаҳәа ацәаҳәа ала аҟәара аҿы еиԥш аӡы аҿы арыцқьаратә усурақәа мҩаԥыргеит.
Аҟәара аҿы еиԥш аӡы аҿгьы еизгаз агәам-сам зегьы еизганы еиҵаҟәаны апакетқәа ирҭаҵан, анаҩс аекологиатә стандартқәеи анормақәеи инарықәыршәаны ақәгара мҩаԥган.
Иарбоу акциа Урыстәыла Алада арратә Отриад аруааи урҭ рҭаацәеи рымчала иааиԥмырҟьаӡакәа, шықәсык рахь 2-нтә имҩаԥысуеит. Абжьааԥны ишаԥу еиԥш, аԥхынтәии аҽыкәабаратәи асезон алагара аламҭалазы, иара убас жьҭаарамзазы, Жәларбжьаратәи Амшын Еиқәа Амш азы аҽыкәабаратә сезон анҵәара ашьҭахь иарбоу акциа мҩаԥыргоит.
