Иаанкылаз игәаҭараан идырбалеит зыкапан 2,9 грамм рҟынӡа инаӡоз анаркотикатә маҭәашьар «мефедрон»
Иарбоу афакт ала ашьаусеилыргара хацыркуп.
05.Рашәара.2023
Аԥсны атәылауаҩ аԥыԥшырҭа “Ԥсоу” аҿы анаркотикатә маҭәашьар "мефедрон" идырбалеит.
Аҟәа. Рашәарамза 5, 2023 шықәса. Аԥсныпресс. Аҳазылхратә ԥыԥшырҭа «Ԥсоу» аконтрабати аҳазылхратә зинеилагарақәеи рҿагыларазы аҟәша аусзуҩцәеи Гагра араион аҩныҵҟатәи аусқәа Русбарҭа ашьауӷаԥшаара аҟәша аусзуҩцәеи Аԥсны атәылауаҩ даанкыланы Гагра араион аҩныҵҟатәи аусқәа Русбарҭа ашьауӷаԥшаара аҟәша ахь днаргеит, ҳәа адырра ҟанаҵоит Аԥсны Аҳәынҭқарратә ҳазылхратә Еилакы апресс-маҵзура.
