Аҟәа. Лаҵарамза 10, 2023 шықәса. Аԥсныпресс. Лаҵарамза 10- 30 аҟынӡа Аԥсны Арбџьармчқәа рҿы атәылахьчара аминистр инапхгарала Арбџьармчқәа арратә хәҭақәа ркомандаҟаҵаҩцәеи урҭ рхаҭыԥаҩцәеи алархәны аоперативтә еизгарақәа мҩаԥысуеит.
«Аоперативтә еизгара ахықәкы хаданы иҟоуп ҳаамҭазтәи аперспективатәии арратә ҭагылазаашьақәа рзы акомандаҟаҵаратә еилазаара азанааҭ-маҵзуратә зыҟаҵара аҩаӡара ашьҭыхра. Азыҟаҵаратә усмҩаԥгатәқәа рышьаҭаҿы иазԥхьагәаҭаны иҟоуп оперативла ихадоу Аԥсны араионқәа рҿы есымша зҽазаԥсахуа аоперативтә ҭагылазаашьа аҿы аԥышәатәи агәыԥтәии аҽаршьцыларақәа рымҩаԥгара», – ҳәа адырра ҟанаҵоит атәыла арратә хылаԥшырҭа апресс-маҵзура.
Аҽазыҟаҵарақәа раан Аԥсны Арбџьармчқәа рырхәҭақәеи рыҟәшеиҵақәеи Урыстәылатәи Афедерациа Арбџьармчқәа инарыгӡо иҷыдоу арратә операциа аԥышәа рыларҵәара ахықәкы хадақәа иреиуоуп.
50% инарзынаԥшуа аҽазыҟаҵарақәа мҩаԥыслоит цқьа идырым аучасткақәеи аполигонқәеи рҿы.
Аҽазыҟаҵарақәа раан абџьармцатә жәылара ахархәагақәеи аԥырҩыда иԥыруа аппаратқәеи архәҭақәа рнапхгараҭара асистемақәеи рымчқәа ахархәара азԥхьагәаҭоуп.
Аҽазыҟаҵара апрограмма ала иара убас иазԥхьагәаҭоуп иҷыдоу атактикатәи амцабџьартәи зыҟаҵара, арратә усмҩаԥгатәқәа арратә еиқәыршәара амҩаԥгара, арра-медицинатә зыҟаҵара, уҳәа азы аҽазыҟаҵарақәа.
