163-ҩык амашьынарныҟәцаҩцәа ижәны амашьына аԥсҟы ахьыркыз инамаданы административтә хьырхәра иақәыршәахеит.
10.Лаҵара.2023
Иҳаҩсыз амчыбжь азы Аҳәынҭқарратә автоинспекциа аусзуҩцәа 2530 зинеилагарақәа аадырԥшит.
Аҟәа. Лаҵарамза 10, 2023 шықәса. Аԥсныпресс. Имҩаԥгаз ареидтәи апрофилактикатәи аусмҩаԥгатәқәа ирылҵшәаны, иҳаҩсыз амчыбжьи аныҳәатә мшқәеи рзы аҩныҵҟатәи аусқәа Рминистрра Аҳәынҭқарратә автоинспекциа аусзуҩцәа 2530 амҩатә ԥҟарақәа реилагара иадҳәалоу азинеилагарақәа аадырԥшит. Урҭ рахьынтә 88 – автомашьынақәа рсаркьақәа рыԥшшәахәыркра анормақәа ирыдҳәалоуп.
