Ҳагба Ельза Едик-иԥҳа – Аҟәа ақалақь Ахадара аҿари аспорти русқәа рзы Аусбарҭа адиректор.
Аусԥҟа анапаҵыҩра мҩаԥган лаҵарамза 5, 2023 шықәсазы.
07.Лаҵара.2023
Аҳәынҭқарра Ахада “Аԥсны абҩарҵәыреи аспорти зҽаԥсазтәыз аусзуҩ” ҳәа аҳаҭыртә хьӡы анашьаразы Аусԥҟа инапы аҵаиҩит.
Аҟәа. Лаҵарамза 7, 2023. Аԥсныпресс. Абҩарҵәыреи аспорти русхкы аҿы шықәсырацәа инеиԥынкыланы ламысцқьала аусуреи иҳараку азанааҭдырра аҩаӡареи рзы Аҳәынҭқарра Ахада Аслан Бжьаниа «Аԥсны абҩарҵәыреи аспорти зҽаԥсазтәыз аусзуҩ» ҳәа аҳаҭыртә хьӡы ранеишьеит:
Бениа Џьарназ Владимир-иԥа – Гәдоуҭа араион Ахадара аҿари аспорти рызҵаарақәа рзы Аилак ахантәаҩы;
Кикнавелиӡе Зураби Шьоҭа-иԥа – Гал ақалақь ашьапылампылтә клуб «Самырзаҟан» апрезидент;
