Андреи Чирков Аԥсны аҩныҵҟатәи аусқәа Рминистрра ала аҟәшеиҵа ҷыда ахь аусуразы ааԥхьара иҭан. Ԥыҭрак ашьҭахь уи Аԥсны атәылахьчара Аминистрра аштаб Хада арратә ԥшыхәра аҿы имаҵзура иациҵеит.
07.Лаҵара.2023
Аҟәатәи иҷыдоу аказакцәа рыҟәша атаман Андреи Чирков Москва ақалақь аҿы Аиааира Апарад ихы алаирхәуеит.
Аҟәа. Лаҵарамза 7, 2023 шықәса. Аԥсныпресс. Аԥсны иҟоу Аҟәатәи иҷыдоу аказакцәа рыҟәша атаман Андреи Чирков лаҵарамза 9 рзы Москва ақалақь аҿы имҩаԥгахо Аиааира Апарад ихы алаирхәуеит, ҳәа Аԥсныпресс ахь адырра ҟарҵеит Аԥсны иҟоу Урыстәыла Ацҳаражәҳәарҭа аҿы.
«Дарбанызаалак Аԥсны атәылауаҩ Аиааира Апарад ахалархәра ҳаҭыр дуны, насыԥны иԥхьаӡарын уи еиԥш аҭагылазаашьа иоузҭгьы. Ари даара ҳаҭыр зқу иҷыдоу амиссиа ауп. Аԥсны Аҳәынҭқарра, уи амилаҭ ахыԥхьаӡара акыр ишмаҷызгьы, 22 – ҩык Асовет Еидгыла афырхацәа алҵит», - ҳәа иазгәеиҭеит Андреи Чирков.
