Алан Гаглоев иазгәеиҭеит Аԥсни Аахыҵ Уаԥстәылеи лахьынҵак шрымоу, ихьыԥшым аҳәынҭқаррақәа рыбжьара ҭоурыхла аизыҟазаашьа бзиақәа рышьақәгылара мҩаԥысуан.
«Иҭабуп ааԥхьаразы. Сара сганахьалагьы, Аахыҵ Уаԥстәылаҟа шәнасыԥхьарц сҭахуп. Ауадаҩрақәа ҳхаҳгеит шәаргьы ҳаргьы, сынтәа Аахыҵ Уаԥстәылеи Аԥсны Аҳәынҭқарреи иазгәарҭоит Урыстәылатәи Афедерациа аганахьала ҳреспубликақәа рхьыԥшымра азхаҵара 15 шықәса ахыҵра. Ари арыцхә ҳара ҳзы даара аҵакы дууп, шәареи ҳареи ибзианы иаҳдыруеит аҭынч ԥсҭазаара иахҭынҵоу», - Аахыҵ Уаԥстәыла Ахада Алан Гаглоев.
Аслан Бжьаниеи Алан Гаглоеви аиашьаратәи аиҩызаратәи еимадарақәа рырӷәӷәареи рымҽхак арҭбаареи ирызку иактуалтәу азҵаарақәа жәпакы ирылацәажәеит.
.
