Аҟәа. Лаҵарамза 3, 2023. Аԥсныпресс. Мшаԥымза, 2023 шықәсазы аҳазылхратә шәатәқәа  281,8 млн. мааҭ, даҽакала иуҳәозар  113 % рҟынӡа инаӡеит. Иҳаҩсыз ашықәс мшаԥымзазы арбагақәа ирҿырԥшны уахәаԥшуазар,  сынтәа аҳазылхратә шәатәқәа 23,7 млн. мааҭ рыла иазҳаит;  мшаԥымза, 2022 шықәсазы урҭ 258,1 млн. мааҭ рҟынӡа инаӡон, ҳәа адырра ҟанаҵоит Аԥсны аҳәынҭқарратә ҳазылхратә Еилакы аофициалтә саит.

Ҳазҭоу ашықәс ԥшьымзтәи аихшьаалақәа рыла, аҳазылхратә усбарҭақәа рыла иахыԥхьаӡалахеит 887,8 млн. мааҭ, уи  2022 шықәса аиԥш-зеиԥшу аамҭахәҭа иаҿырԥшны уахәаԥшуазар,  58,6 млн. мааҭ, даҽакала иуҳәозар  7,1% рыла еиҳауп. 2022 шықәса ԥшьымз рыла иахыԥхьаӡалан 829,2 млн. мааҭ.