Аҟәа. Мшаԥымза 10, 2023 шықәса. Аԥсныпресс. Мшаԥымза 17 рзы Урыстәылатәи Афедерациа Адипломатикатә Академиа амагистратуреи аспирантуреи апрограммақәа рыла аҵара азы аҭаларазы Аԥсны атәылауаа рҟынтәи аусшәҟәқәа рыдкылара хыркәшахоит. Абри атәы аанацҳауеит Аԥсны адәныҟатәи аусқәа Рминистрра.
Аҭаларазы аконкурс алахәхара ҟалоит абарҭ амагистратура апрограммақәа рыла:
- ахырхарҭа «Аекономика», апрограмма «Жәларбжьаратәи аекономикеи абизнеси»;
- ахырхарҭа «Азиндырра», «Жәларбжьаратәи ауаажәларратә зин», «Жәларбжьаратәи аекономикатә зин» апрограмма;
-ахырхарҭа «Менеџьмент», «Адәныҟаекономикатә усуреи ашәарҭарақәа рнапхгараҭареи» апрограмма (латәарадатәи аҵара аформа).
Аспирантура аҭаларазы аконкурс алахәхара алыршахоит анаукатә занааҭқәа ргәыԥқәа «Аекономика», «Азин»; «Аҭоурыхтә наукақәа», «Аполитологиа». Аконкурстә ԥышәарақәа рҳәаақәа ирҭагӡаны апретендентцәа иреиӷьу алххоит, урҭ ахәҭакахьала Урыстәылатәи Афедерациа адәныҟатәи аусқәа Рминистрра Адипломатиатә Академиа аҿы хәыда-ԥсада (абиуџьеттә шьаҭала) аҵаразы алшара роуеит.
Актәи аетап аҟны Аԥсны адәныҟатәи аусқәа Рминистрра ахь абри аелектронтә ԥошьҭа ала Hierdie e-posadres word van Spambotte beskerm. Jy moet JavaScript ontsper om dit te lees. абарҭ аусшәҟәқәа рынашьҭа ахәҭоуп:
Иалху ахырхарҭа зну арзаҳал; адиплом ахкьыԥхь, мамзаргьы иреиҳаӡоу аҵараиурҭа аҿы аҵара шиҵо азы адырранҵа; атәылауаҩратә (аҩныҵҟатәи) атәылауашәҟәы, иара убас Аԥсны атәылауаҩ аҳәаанырцәтәи итәылауаҩшәҟәы рыхкьыԥхьқәа.
.
