Апрограма алахәхара азы азҵаарақәа рганахьала Аԥсны аекономика Аминистрра иатәу аҳәынҭқарратә аинвестициатә агентра ахь адҵаалара ҟалоит. Уи аҭыӡҭыԥ: ақ. Аҟәа, Пушкин имҩа, аҩны № 16, абизнес-центр «Гәдоу Плаза», 3-тәи аихагыла, аофис 3.3).
Ԥхынҷкәынмза 30, 2022 шықәса рзы аминистрцәа Реилазаара аҿы «2022-2025 шш. Аԥсны асоциал-економикатә ҿиара азы аҳәынҭқарратә программа» аҳәаақәа ирҭагӡаны Аԥсны инагӡахо аинвестициатә проектқәа аҳәынҭқарратә дгылара аҭара иазку аусмҩаԥгатәқәа рзы» Ақәҵара рыдыркылеит.
