Гәдоуҭа араион аҿы инхоит 7 976 –ҩык атәанчаҩцәа, урҭ рахьынтә аиҭашәҟәҭаҩра иахысит 5 486 –ҩык (68,8%).

Аҟәа араион аҿы иҟоуп 2570-ҩык атәанчаҩцәа, урҭ рахьынтә аиҭашәҟәҭаҩра иахысит 1 912-ҩык  (74,4%).   

Гәылрыԥшь араион аҿы инхо 3430-ҩык атәанчаҩцәа рахьынтә аиҭашәҟәҭаҩра иахысит  2 259-ҩык  (65,9%).

Очамчыра араион аҿы инхоит 5 533-ҩык атәанчаҩцәа, урҭ рахьынтә аиҭашәҟәҭаҩра иахысит  3 356-ҩык (60,7%).

Ҭҟәарчал араион аҿы инхоит 4403-ҩык  атәанчаҩцәа. Урҭ рахьынтә аиҭашәҟәҭаҩра иахысит 2 639-ҩык (59,9%); 

Гал араион аҿы инхо 6356-ҩык атәанчаҩцәа рҟынтәи аиҭашәҟәҭаҩра иахысит  3 000-ҩык (47,2%). 

Аиҭашәҟәҭаҩра ахықәкы хаданы иҟоуп – ареспублика асоциалтә еиқәыршәара аҟәшақәа рҿы ашәҟәы иҭагалоу атәанчаҩцәа рхыԥхьаӡара цқьа аилкаареи ашьақәырӷәӷәареи, иара убас зыԥсҭазаара иалҵхьоу, аха убри аан уи азы адыррақәа ашәҟәы иҭагаламкәа иаанханы иҟоу атәанчаҩцәеи атәанчаҩратә еиқәыршәара алзымыршо егьырҭ ахҭысқәеи раарԥшреи.

Аиҭашәҟәҭаҩра иахымсыз атәанчаҩцәа  атәанчахәы аиуразы асиақәа ианыххоит. Ианаамҭоу аиҭашәҟәҭаҩра иахымсыз атәанчаҩцәа ртәанчахәы анаанкылаз амш инаркны ирызшәахоит, аха убри аан уи 6 ртәы еиҳахом. Иарбоу аҽҳәара анаҩс ашәатәқәа мҩаԥгахоит атәанчаҩы хаҭала арзаҳал аналеиҵа ашьҭахь.

Ашәҟәҭагалара анаҩс асоциалтә еиқыршәареи адемографиатә политикеи рминистрра аминистрцәа Реилазаара ахь уи алҵшәақәа рзы адыррақәа нанашьҭуеит.  

Ақәҵара анагӡара азы ахылаԥшра идҵоуп аԥыза-министр ихаҭыԥуаҩ Сергеи Пустовалов.