Жәларызегьтәи ареферендум аҟны Аконституциа адкылара ихьыԥшым Алада Уаԥстәыла Ареспублика аҭоурых аҟны акрызҵазкуа аамҭоуп, уи аҳәынҭқарра аҿиара ашьаҭа арӷәӷәеит. Ҳара агәра ҳгоит, аԥхьаҟагьы ареспублика аҿаԥхьа иқәгылоу ауснагӡатәқәа рынагӡара уасхырс ишаиуа.

Иазгәаҳҭар ҳҭахуп ҳпарламентқәа рроль Аԥсны Аҳәынҭқарреи Алада Уаԥстәыла Ареспубликеи итрадициатәу, аиҩызаратә еимадарақәа рырӷәӷәараҟны, ҩ-ганктәи аизыҟазаашьақәа рыҟны ихадоу ахырхарҭақәа рыла аԥхьаҟатәи аусеицураҟны.

Ҳаҭыр зқәу Алан Иури-иԥа! Шәаргьы ишәыдгыланы аус шәыцызуа шәколлегацәагьы ишәзеиӷьаҳшьоит аихьӡарақәа азакәанрҿиаратә усураҟны, Алада Уаԥстәыла Ареспублика атәылауаа зегьы – аҭынчра, аизҳазыӷьара!».