АЖӘАБЖЬҚӘА

05.Мшаҧы.2023

АКТӘИ АԤШЬБАРАК АЗЫ АҲАЗЫЛХРАТӘ УСБАРҬАҚӘА ИААДЫРԤШИТ 62 АДМИНИСТРАТИВТӘ ЗИНЕИЛАГАРАҚӘА.

Аҟәа. Мшаԥымза 5, 2023 шықәса. Аԥсныпресс. 2023 шықәса актәи аԥшьбарак азы атәыла аҳазылхратә усбарҭақәа иаадырԥшит 62 инарзынаԥшуа административных зинеилагарақәа. Абри азы Аҳәынҭқарратә ҳазылхратә Еилакы азинхьчаратә ҟәшеиҵақәа ҳазҭоу ашықәс хымз ирылагӡаны инарыгӡаз аусура азы адырра ҟаҵо иҳәеит Аҳәынҭқарратә ҳазылхратә Еилакы ахантәаҩы ихаҭыԥуаҩ Зураб Ашәба.

«Ҷыдала ишәарҭоу аконтрабат ахкы аарԥшра иазкны атәыла аҩныҵҟатәи аусқәа Рминистрра аҟәшеиҵақәа русзуҩцәа алархәны имҩаԥгаз ауснагӡатәқәа 5 рыла аҳазылхратә Ԥыԥшырҭа «Ԥсоу» ала Аԥсныҟа аиагаразы аҽазышәарақәа раан иаанкылан иагьрымхын: анаркотиктә маҭәашьар «метадон» ­ – 6,019 гр, «героин» – 0,617 гр, арҩышьыгатә маҭәашьар «прегабалин» – 59,7 гр, «лирика» – 42 капсула, «неиронтин» – 17 ҵәаҟьа, «габапентин канон» – 12 ҵәаҟьа», – ҳәа адырра ҟаиҵеит Зураб Ашәба.

Аҳазылхратә Еилакы аусзуҩцәа иааныркылеит иагьрымырхит 223 440 цыра аҭаҭын аалыҵ,  105 аелектронтә сигареҭ, 285 пачка акалиан азы аҭаҭын, 209 ԥаҭлыка иџьбароу арыжәтәи игазырку аӡқәеи, 198 цыра аҿырхиагатә аалыҵқәа, 7 цыра амаининг аппаратқәа, 2 516 ҿыц ихҵәоу реиԥш иԥсабаратәыми ашәҭқәа, 259,9 кьыла аԥштәылатә металл, иара убас  210 кьыла рҟынӡа араса ацәа шахоу.

«Аҳазылхратә ԥҟарақәа реилагара азы ахараԥсақәа раҳасабала ареспубликатә биуџьеҭ ахь иалагалоуп 468 574 мааҭ», – ҳәа иҳәеит Зураб Ашәба.

Уи иара убас аҳазылхратә Усбарҭа аусзуҩцәа  амаининг аҿагылареи акриптовалиута арҳара азы аппаратқәа Аԥсныҟа раагара аԥхьырҟәҟәаареи ҷыдала ахшыҩзышьҭра арҭоит ҳәа инаҵшьны иазгәеиҭеит.


Read 309 times
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.