Анапхгаҩы иажәақәа рыла, Вероника илымоу аспорттә зыҟаҵраеи аиааирагара аҭаххареи рыла далукаартә дыҟоуп. Уи изныкымкәа    аспорттә усмҩаԥгатәқәа лхы рылалырхәхьеит. Иаагозар, Аҟәатәи ашколқәа рыбжьара имҩаԥгаз  аконкурс «Шьапеиқәыршәала аныҟәареи ацәаҳәақәгыларатә шәаҳәареи» аҿы лара қәҿиарала дықәгылеит. Алицеи-интернат ацәаҳәақәгыларатә зыҟаҵара азы иреиӷьу школны иалкаахеит, иара убас жьҭаарамза, 2022 шықәсазы Аҟәа ақалақь аҿы имҩаԥгаз автомат аимыхреи аибыҭареи рзы аконкурс аҿы Гран-при аиуит.

Звиад Шенгелиа иара убас ишазгәеиҭз ала, абҵарамза, 2022 шықәса рзы ари аҭыԥҳа Аҟәа ақалақь еизгоу акоманда аилазаара далалеит. Араҟа  60-ҩык аҭыԥҳацәа рҟынтәи иалххеит хҩык. Урҭ рхыԥхьаӡараҿы дыҟан Вероника Ҳагбагьы. Ԥшьымш имҩаԥысуа аицлабрақәа реихшьаалақәа рыла, Вероника хә-медалк лоуит – ахьтәы медалқәа ҩба, араӡны медалқәа хԥа.