Уи иажәақәа рыла, Аиқәшаҳаҭра иалагалахо аиҭакрақәа инарықәыршәаны, иааиԥмыркьаӡакәа Аԥсны инхо Урыстәылатәи Афедерациа атәылауаа урыстәылатәи азакәанԥҵара ала атәанчахәыла реиқәыршәара мҩаԥыслоит.
«Урыстәылатәи Афедерациа аиқәшаҳаҭра инақәыршәаны ахыдҵақәа зегьы нанагӡоит. Ахәҭакахьала, Аԥсны урыстәылатәи атәанчаҩцәа рхыԥхьаӡара азы адыррақәа рыҭара аганахьала аиҵахара аанарԥшуеит», — ҳәа иҳәеит асенатор.
Сергеи Цеков ишазгәеиҭаз ала, Аԥсны ала атәанчахәы зауа атәылауаҩ иԥсҭазаара алҵра, мамзаргьы Аԥсны анҭыҵ иалҵны ицара, иара убас Урыстәылатәи Афедерациа атәылауаҩра ицәыӡра, уҳәа иахҟьаны атәанчаҩратә шәатәқәа раанкылара азԥхьагәазҭо аҭагылазаашьақәа рышьақәыргылара азы адыррақәа ианаамҭоу анашьҭра алмыршара иахҟьаны инамыцхәны аԥснытәи аган иазшәаз атәанчахәқәеи ацҵақәеи рхарҭәаара азы аԥҟара шьақәырӷәӷәахоит.
