Аҟәа. Хәажәкырамза 29, 2023 шықәса. Аԥсныпресс. Ҟабарда-Балкариа, Нальчик ақалақь аҿы иҭыҵуа алитература-сахьаркыратәи ауаажәларра-политикатә журнал «Литературная Кабардино-Балкария» адаҟьақәа ирнылеит аԥсуа поет, апрозаик Анатоли Лагәлаа иажәабжьқәа «Ануаа-рхәы», «Аԥсадгьыл акоуп». Арҭ ажәабжьқәа 1992-1993 шш. Аԥсны жәлар рџьынџьтәылатәи еибашьра атема иазкуп.
Ажәабжьқәа еиҭеигеит ажурналист, ашәҟәыҩҩ, агазеҭ «Эхо Абхазии» аредактор хада Витали Шариа.
Анатоли Лагәлаа – апоет, апрозаик, Аԥсны ажурналистцәа Реидгыла алахәыла, Асовет Еидгылеи Аԥсны ашәҟәыҩҩцәа Реидгылақәа рлахәыла, Дырмит Гәлиеи Таиф Аџьбеи рыхьӡ зху апремиақәа рлауреат, акультура зҽаԥсазтәыз аусзуҩ, алитература-сахьаркыратәи ауаажәларра-политикатәи ажурнал «Алашара» аредактор хада.
Антоли Лагәлаа – ҩажәа инарзынаԥшуа ажәеинраалақәа, ажәабжьқәа, аповестқәа реизгақәа дравторуп. Аԥсышәала дыҩуеит.
