Иарбоу Аиқәшаҳаҭра инақәыршәаны, аҩганк аусдкыларатә, мамзаргьы даҽа економикатә усура амҩаԥгараан ицәырҵуа аилибамкаарақәеи аимак-аиҿакқәеи рганахьала жәларбжьаратәи акоммерциатә арбитражқәеи аӡбарҭақәеи ирыдыркылаз, азакәанмчы зауз аӡбамҭақәа азхарҵоит, анаҩс азакәан мҩала инарыгӡоит. Урыстәылатәи Афедерациа Анапхгара алкаа аҿы ишарбоу ала, аиқәшаҳаҭра азакәанмчы аиура аусдкыларатә, мамзаргьы егьи ахырхарҭа змоу аекономикатә усура иалаху азинтә цхыраара рыҭара аусхкы аҿы аԥсны-урыстәылатәи аусеицура жәларбжьара-зинтә шьаҭа арӷәӷәара иацхраауеит.
