Аҟәа. Хәажәкырамза 15, 2023 шықәса. Аԥсныпресс. Аԥсны иҷыдоу аҭагылазаашьақәа рзы Аминистрра аԥшаара-еиқәырхаратә отриад аусзуҩцәа хәажәкырамза 14 рзы ироуз адырра ала Аҟәа араион Гәыма ақыҭахь (Абжьаҟәа) ицеит. 1956 шықәса ииз атәылауаҩ Ашәба адабла исит, уи иаарласны амедицинатә цхыраара иҭатәхеит. Аиқәырхаҩцәа ачымазаҩ аҳҭнықалақь ахь дааганы Аҟәатәи ақалақьтә хәышәтәырҭа аҳақьымцәа дрырҭеит, ҳәа хәажәкырамза 15 рзы адырра ҟанаҵеит Ахылаԥшырҭа апресс-маҵзура.
Иҷыдоу аҭагылазаашьақәа рзы Аминистрра амедицинатә усбарҭа аусзуҩцәа руаӡәк амҩан ачымазаҩ иахәҭоу ацхыраареи ахылаԥшреи илҭон. Аӡхыҵхырҭақәа рҿы ааигәа иҟаз ақәоурақәа ирыхҟьаны аиқәырхаҩцәа зыҩаӡара ҳаракхаз аӡиасқәа Гәымсҭеи Чедыми ирны ауп ачымазаҩ иаагара шалдыршаз.
