Аҟәа. Хәажәкырамза 13, 2023 шықәса. Аԥсныпресс. Гал араион ахь иусуратә ныҟәараан Аҳәынҭқарра Ахада хаҭалатәи аилазаара амобилизациатә зыҟаҵара арӷәӷәара иазку аусмҩаԥгатәқәа рынагӡара шымҩаԥысуазы атәылахьчара аминистр иажәахә дазыӡырҩит, иара убас имҩаԥигеит аԥсны-қырҭтәылатәи аҳәаа инаваршәны анџьныртә ргыламҭа ҿыцқәа ргәаҭара.
Аинспекциатә ныҟәара иалахәын Аҳәынҭқарра Ахада Ихаҭыԥуаҩ Бадра Гәынба, Апарламент Аиҳабы Лаша Ашәба, Ашәарҭадара Ахеилак Амаӡаныҟәгаҩ Сергеи Шамба, атәылахьчара аминистр, аинрал-аполковник Владимир Ануа, Арбџьар мчқәа ры-Штаб хада аиҳабы, аинрал-леитенант Владимир Савченко.
