Аҟәа. Хәажәкырамза 16, 2023 шықәса. Аԥсныпресс. Аԥсны атуризм аминистр Ҭеимураз Хишбеи Ареспублика Ҟрым акурортқәеи атуризми рминистр Вадим Волченкои хәажәкырамза 16 рзы, XXIX Москватәи Жәларбжьаратәи атуристтә цәыргақәҵа аҳәаақәа ирҭагӡаны Аԥсны атуризм Аминистрреи Ареспублика Ҟрым атуризми акурортқәеи Рминистрреи акурортқәеи атуризми русхкы аҿы агәҭакқәа рзы аԥкаанҵа рнапы аҵарҩит, ҳәа адырра ҟанаҵоит Аԥсны атуризм Аминистрра апресс-маҵзура.
Аганқәа рзинмчы аҳәаақәа ирҭагӡаны Аԥсны Аҳәынҭқарреи Урыстәылатәи Афедерациеи рзакәанԥҵареи инарықәыршәаны акыраамҭатәии аҩганк ирзыфеидоу аусуратә еимадара абжьаҵара азы агәҭакқәа шрымоу азгәаҭоит.
Аганқәа еицырзыфеидоу аусеицура аперспективақәа рылацәажәара азы аделегациақәа рыла аимдара азы агәҭакқәа шрымоу азгәарҭоит.
Аганқәа ркомпитенциа аҳәаақәа ирҭагӡаны аҳәынҭқарратә маӡа, мамзаргьы акоммерциатә, ма азакәан ахылаԥшра аҵаҟа иҟоу имаӡоу адыррақәа рахь иаҵанамкуа аинформациа ала аимадареи, иара убас Аԥсны еиԥш Ҟрым имҩаԥысло ахәаахәҭратә цәыргақәҵақәеи ацәыргақәҵақәеи реицынагӡара азы агәҭакқәа рымоуп.
