Аҟәа. Жәабранмза 21, 2022 шықәса. Аԥсныпресс. Ажьырныҳәамза 1 инаркны жәабранмза 20, 2023 шықәса аҟынӡа аӡиа Риҵа иаҭааит 16 224-ҩык. Афинанстә лагалақәа реизак 10 млн. 672 нызықь 300 мааҭ рҟынӡа инаӡеит. Абри азы Аԥсныпресс ахь адырра ҟарҵеит атуризм Аминистрра аҿы.
Аиԥш-зеиԥшу аамҭахәҭа, 2022 шықәсазы Риҵа иаҭааз рхыԥхьаӡара 20 802-ҩык рҟынӡа инаӡон, афинанстә лагалақәа реизак – 6 млн 940 нызықь 450 мааҭ.
Ажьырныҳәамза 1 инаркны жәабранмза 20, 2023 шықәса аҟынӡа Афонҿыцтәи аҳаԥы иаҭааит 11 711-ҩык, афинанстә лагалақәа реизак – 8 млн 197 нызықь 700 мааҭ.
Аиԥш-зеиԥшу аамҭахәҭа, 2022 шықәсазы Афонҿыцтәи аҳаԥы акомплекс иаҭааит 14 675-ҩык, афинанстә лагалақәа реизак – 7 млн 337 нызықь 500 мааҭ.
