АЖӘАБЖЬҚӘА

17.Жәабран.2023

АУСУРА ИАЛАГЕИТ ЖӘЛАРБЖЬАРАТӘИ АШАХМАТТӘ ФЕСТИВАЛЬ “АԤСНЫ. ТАМШЬ-VILLAGE 2023».

Аҟәа. Жәабранмза 17, 2023 шықәса. Аԥсныпресс. Очамчыра араион Тамшь ақыҭан 1992 – 1993шш. Аԥсны жәлар рџьынџьтәылатәи еибашьра аҿы Аиааира агара Амш  30-шықәса ахыҵра иазкны имҩаԥысуеит Жәларбжзьаратәи ашахматтә фестиваль «Аԥсны. ТАМШЬ-VILLAGE 2023».

Афестиваль мҩаԥнагоит Аԥсны ашахматқәа Рфедерациа. Убри аан адгылара ҟанаҵоит Аԥсны аҿари аспорти русқәа рзы аҳәынҭқарратә Еилакы. Ишьақәырӷәӷәоуп Тамшь ақыҭа иалҵыз  – Аԥсны Афырхацәа рыхьӡала аԥхьахәқәа.

Актәи амш азы атурнир рхы аладырхәит Аԥсны араионқәа зегьы рҟынтәи, иара убас Алада Урыстәыла арегионқәеи рҟынтәи 9-шықәса зхымҵыц 45 – ҩык ашахматасыҩ ҿарацәа.

Акемпинг «Тамыш-Village» аколлектив аицлабрақәа рымҩаԥгаразы иманшәалоу аҭагылазаашьақәа зегьы раԥҵара алнаршеит. Ашахматасыҩцәа ахәмаррақәа рымҩаԥгаразы ирыздырхиеит иҭбааҭыцәу, иманшәалоу, аԥхара зыҩноу ауадақәа. Асоура шыҟазгьы, ахәыҷқәеи урҭ рҭаацәеи даара  ибзианы рхы рбоит, ргәалаҟазаарагьы бзиоуп.

9 – шықәса зхымҵыц аҷкәынцәа рыбжьара актәи аҭыԥ ааникылеит Стилиан Мықәба (ақ. Пицунда), аҩбатәи  – Армен Топчиан (аҳабла Гәылрыԥшь), ахԥатәи  – Давид  Џьынџьал ( ақ.Аҟәа).

9 – шықәса зхымҵыц аӡӷабцәа рыбжьара актәи аҭыԥ аанылкылеит Анна Ԥалаванӡиа (ақ. Аҟәа), аҩбатәи  – Амира Агрба (ақ. Гәдоуҭа), ахԥатәи – Анастасиа Гагәылиа (ақ. Гәдоуҭа).

7– шықәса зхымҵыц аҷкәынцәеи аӡӷабцәеи рыбжьара аԥхьахәтә ҭыԥқәа абас ала еихшахеит:

Актәи аҭыԥ –  Глеб Хьынҭәбеи  Доминика Бениеи, рҩыџьагьы Гәдоуҭа ақалақь аҟынтәи иааит;

Аҩбатәи аҭыԥ –   Гьаргь  Кәыҵниа. (ақ. Аҟәа);

Ахԥатәи аҭыԥ – Игнати Мықәба (ақ. Пицунда), иара убас  Адель Папба (ақ. Аҟәа).

Аԥхьахәгаҩцәа зегьы ахраҿақәа, амедалқәа, аҳаҭыртә шәҟәқәа, асертификатқәа, аԥаратә ҳамҭақәа ранашьахеит.


Read 231 times - Аҩаша, 21 Жәабран 2023 14:10
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.