Аҟәа. Жәабранмза 14, 2023 шықәса. Аԥсныпрессс. Гәдоуҭа араион Апрокуратура Аԥсны Аҳәынҭқарра Ашьаусеилыргаратә Закәанеидкыла ахәҭаҷ 99, ахәҭа 1, иара убас ахәҭаҷ 217, ахәҭа 1 иазԥхьагәанаҭо ацәгьоура азы Чычба Ҭемыр Дианбеи-иԥа иганахьала ихацыркыз заанаҵтәи ауасеилыргара хнаркәшеит, ҳәа адырра ҟанаҵоит Аԥсны апрокуратура Хада аофициалтә саит.
Заанаҵтәи аусеилыргара аусбарҭа аҿы ишышьақәыргылоу ала, абҵарамза 23, 2019 шықәса, 04:00 сааҭ инарзынаԥшуа, Ҭемыр Чычба, абри аҭыӡҭыԥ: Гәдоуҭа ақалақь, Зыхәба имҩа№ 22 ала иҟоу иҩны дшыҟаз Котуа Т.Г. иареи ирыбжьалаз аҭаацәаратә ажәаеимакра иахҟьаны дхысит. Т.Г.Котуа иоуз ахәрақәа ирыхҟьаны иара уаҵәҟьа иԥсҭазаара далҵит. Ҭемыр Чычба ацәгьоура ахьыҟалаз аҭыԥантәи иҽиӡеит.
Цәыббрамза 21, 2022 шықәса рзы Гәдоуҭа араион аҩныҵҟатәи аусқәа Русбарҭа аусзуҩцәа Ҭемыр Чычба дааныркылеи.
Жәабранмза 9, 2023 шықәса рзы Гәдоуҭа араион апрокуратура ахарадҵатә лкаа шьақәырӷәӷәаны ашьауӷатә усеилыргара араионтә ӡбарҭа ахь ахәаԥшреи ашьақәырӷәӷәаратә ӡбамҭа адкылареи рзы идәықәырҵеит.
