Аҟәа. Ажьырныҳәамза 27, 2023 шықәса. Аԥсныпресс. Ажьырныҳәамза 27 рзы Аԥсны зҽаԥсазтәыз ажурналист Валери Џьота-иԥа Амаршьан ихыҵит 80-шықәса. Уи иҳаҩсыз ашәышықәса хынҩажәатәи ашықәсқәа рзы аусура далагеит. Хынҩажәа шықәса уи иԥсҭазаара агазеҭ «Аԥсны ҟаԥшь», анаҩс агазеҭ «Аԥсны» аредакциақәа рҿы аус аура иузаҟәымҭхо иадҳәалоуп.
Акыр шықәса инеиԥынкыланы Валери Амаршьан аредактор хада инапынҵақәа наигӡон, иахьа уи агазеҭ «Аԥсны» аредакциа аҭакзыԥхықә маӡаныҟәгаҩыс аус иуеит.
Валери Амаршьан хыԥхьаӡара рацәала астатиақәа, аочеркқәа, Аԥсны аԥсҭазаара иадҳәалоу еиуеиԥшым атемақәа рыла аессе дравторуп.
Валери Амаршьан - «Ахьӡ-Аԥша» ахԥатәи аҩаӡара ианашьоуп.
Апсныпресс ажурналистцәа рколлега ииубилеи идырныҳәало агәабзиара, агәыцқьара, аԥсуа ишықәснҵыра дууи арҿиаратә усуралшареи изеиӷьаршьоит.
