06.Жәабран.2023
ИНАЛ АРӠЫНБА ҬЫРҚӘТӘЫЛА АЖӘЛАР ДРЫДЫШШЫЛЕИТ.
Аҟәа. Жәабранмза 6, 2023 шықәса. Аԥсныпресс. Аԥсны адәныҟатәи аусқәа рминистр Инал Арӡынба аҭырқәа жәлар зегьы дрыдышшылеит:
«Аԥсны гәалсра дула ирыдыркылеит Ҭырқәтәыла алада-мрагыларатәи апровинциақәа рҿы иҟалаз, акыр аԥсытәбареи ахыбрақәа реилыбгареи зцу адгьылҵысра ду азы ажәабжь хьанҭа.
Ари иуадаҩу аамҭа азы иҭахаз рыуацәеи рҭынхацәеи, хыԥхьаӡара рацәала Ҭырқәтәыла иқәынхо аԥсуа диаспора рхаҭарнакцәеи аҭырқәа жәлар зегьи гәк-ԥсыкала ҳрыдышшылоит. Ахәрақәа зауз зегьы излауа ала ирласны ршьапы иқәгыларатәы алшара роуааит».
