Аҟәа. Жәабранмза 6, 2023 шықәса. Аԥсныпресс. Абас-гитарарҳәаҩы Антон Давидианци аџьазтә шәаҳәаҩы Лаура Водианицкаиеи Аҟәа ақалақь аҿы амастер-класс мҩаԥыргараны иҟоуп, ҳәа адырра ҟанаҵоит Аԥсны акульутура Аминистрра.
Амастер-класс мҩԥгахоит жәабранмза 7, асааҭ 12:00 рзы, Самсон Ҷанба ихьӡ зху Аԥснытәи аҳәынҭқарратә драматә театр аҿы.
Уи ихы алаирхәырц илшоит уи азы агәазыҳәара змоу зегьы, уи азы мацара атема «Мастер-класс» ала ахьӡи ажәлеи абхьӡи зну азыҳәамҭа абри аелектронтә ԥошьҭа ала идәықәҵатәхоит https://Hierdie e-posadres word van Spambotte beskerm. Jy moet JavaScript ontsper om dit te lees.
Лаура Водианицкаиа – жәларбжьаратәи аконкурсқәа рлауреат, хыԥхьаӡара рацәала аџьазтә фестиваль дуқәа иралахәхахьаз, Москватәи аҳәынҭқарратә акультура Аинститут аестрада-џьазтә шәаҳәара акафедра аиҳабы, Урыстәыла жәлар рартистка Лариса Долина лхаҭыԥуаҩ лоуп.
Антон Давидианц – Урыстәылатәи Афедерациа аҿы иреиӷьу абасистцәа дреиуоуп. Аџьазтә музыкантцәа Игор Бутман, Даниил Крамер, Сергеи Манукиан, Алексеи Козлов, иара убас артистцәа Леонид Агутин, Николаи Носков, «Би-2», «Елка» аус рыциухьан.
