Аҟәа. Ԥхынҷкәынмза 27, 2022 шықәса. Аԥсныпресс. Аминистрцәа Реилазаара ахылаԥшырҭатә хықәкытә Программа «2022 шықәсазы ақыҭанхамҩа аҿиара» аиҭакрақәа аланагалеит.
Аиҭакрақәа алагалахеит аҟәшақәа «Апрограмма афинанстәра ашәагаақәеи ахыҵхырҭақәеи», иара убас «Апрограмма ихымԥадатәиу аресурсқәа (аныхтәқәа), ашәагаақәеи афинанстәра ахыҵхырҭақәеи».
Апрограмма афинанстәра ашәагаақәеи ахыҵхырҭақәеи: Апрограмма анагӡара азы 2022 шықәсазы ареспубликатә биуџьеҭ аҟынтәи иазоужьхоит 100 млн. мааҭ. Иарбоу аԥаратә хархәагақәа иазоужьхоит:
– аҵиааӡара аҿиара, шықәсыктәии акыршықәсатәии аҵиаақәеи акәыкбаақәеи иаарту агрунтқәа рҿы еиԥш ирку агрунтқәа рҿы реиҭаҳара азы – 27 905 535 мааҭ;
– арахәааӡара аҿиара азы– 18 691 352 мааҭ ;
– аԥсыӡкра аусхкы аҿиара азы– 2 500 000) мааҭ ;
–аҵиаақәа аԥхаҭа рызҭо ахәаҷа-маҷа хкқәеи ачымазарақәеи рҟынтәи рыхьчара иазку ахархәагақәеи амаҭәашьарқәеи раахәара азы, иара убас ақыҭанхамҩатә культурақәа аԥхасҭа зырҿио ахәаҷа-маҷақәеи ачымазарақәеи рҟынтәи рыхьчара иазку аусурақәа рымҩаԥгареи рзы – 10 767 614 мааҭ;
– ақыҭанхамҩатә аалыҵ аҭыжьреи аус адулареи рзы аарыхра-техникатә база аԥҵареи аҿиареи рзы – 23 908 937) рублей;
– Ақыҭанхамҩа Аминистрра иатәу амашьына-технологиатә станциақәа рҭаххрақәа рынагӡареи аԥсахга хәҭақәеи абылтәи ахьшьтәи раахәара азы – 5 809 057мааҭ;
– Амеханизациа маҷ ахархәагақәа раахәара (атрактор-маҷқәа, амотоблокқәеи егьырҭ ихымԥадатәиу амаҭәахәқәеи раахәара азы) – 8 531 665 мааҭ;
– ацхеи ацха аалыҵи ранализ агара азы ихымԥадатәиу аиқәыршәагақәа раахәара азы – 1 885 840 мааҭ .
