Аршаҳаҭгақәа рҿы иҟамызт амикротекст ҳәа изышьҭоу, иара убас егьырҭ аԥаршеира аҟазшьақәагьы рнубаалон. Урыстәылатәи Афедерациа аҩныҵҟатәи аусқәа Рминистрра амҩаҿы аныҟәара ашәарҭадара азы Аҳәынҭқарратә Инспекциа (ГИБДД МВД РФ) адыррақәа рбаза ала агәаҭара анымҩаԥгаха ашьҭахь, аиԥш-зеиԥшу аномерқәа змоу аршаҳаҭгақәа егьырҭ атәылауаа рыхьӡала ишҭагалаз еилкаахеит.
«Џьокы-џьоукы иԥаршеиу амашьынарныҟәцаразы аршаҳаҭгақәа зхы иархәаны амашьына аԥсҟы зку уи азы ашьауӷатә ҭакԥхықәра шазԥхьагәаҭоу рыздырӡом», - ҳәа иазгәеиҭеит Баҭал Агрба.
Иарбоу азинеилагара азы ахьырхәра аҳасабала иазԥхьагәаҭоуп ҩы-шықәс рҟынӡа аҭакра.
