Беслан Ҷкадуа иҟаиҵаз адыррақәа рыла, амҩаҿы аныҟәара аԥҟарақәа еилазго раарԥшра иазырханы планла иазԥхьагәаҭоу ареидттә усмҩаԥгатәқәа рнаҩс, аҳәынҭқарратә автоинспекциа аусзуҩцәа ҷыдала ахшыҩзышьҭра арҭоит амҩаҿы зегьы раасҭа аԥҟарақәа еилазго, иара убри ала бжеиҳан амҩатә машәыр зыхҟьо ачаратә кортежқәа.
Аминистр иара убас «Абџьар азы» азакәан анагӡара аҳәаақәа ирҭагӡны имҩаԥысуа ауааԥсыра ирымоу иҭҟьо амцабџьар ҿыц ашәҟәҭагалара амҩаԥгара азы аусура аихшьаалақәа рзы адырра ирҭеит. Вальтер Быҭәба иарбоу ахырхарҭала аусура еиҳа арӷәӷәара азы анапынҵақәа риҭеит.
Аилатәара аҿы атәыла аҿы акриминогентә ҭагылазаашьа иазкны иҟаҵаз ажәахә иазыӡырҩит, иара убас имҩаԥгоу аоператив-ԥшаратә усмҩаԥгатәқәа рзы аҳасабырба ҟаҵан.
Аминистр аҩныҵҟатәи аусқәа Рминистрра аҟәшеиҵақәа хазы игоу ахырхарҭақәа рыла аусура арӷәӷәареи ареспублика аҿы ауаажәларратә зинеиҿкаареи ашәарҭадареи рышьақәгылареи рзы адҵақәа ҟаиҵеит.
