Аҟәа. Ԥхынҷкәынмза 10, 2022 шықәса. Аԥсныпресс. Аҟәа ақалақь, Сергеи Багаԥшь ихьӡ зху аспорт Ахан аҿы иаатит «Аҟәа ақалақь Ахраҿа» агаразы 2004-2006 шш. рзы ииз арԥарцәа рыбжьара традициала имҩаԥысуа анапылампыл азы атурнир.
Уи рхы аладырхәит Гагра, Пицунда, Аҷандара, Очмчыра, Гәылрыԥшь, Ареспубликатә хәыҷтәы-қәыԥштә спорттә школ, иара убас Аҟәа ақалақь, уҳәа рҟынтәи акомандақәа. Аҟәа ақалақь акоманда аилазаараҿы иҟоуп аҳҭнықалақь Ахадара аҿари аспорти рзы Аусбарҭа анапылампыл асекциа аспортсменцәа.
Атурнир ԥхынҷкәынмза 11, 2022 шықәсанӡа имҩаԥыслоит.
Ахәмаррақәа аикәшаратә система ала имҩаԥысуеит. Иацы имҩаԥысит раԥхьатәи ахәмаррақәа фба.
Афинал мҩаԥгахоит амҽыша, ԥхынҷкәынмза 11 рзы. Араҟа акомандақәа аԥхьахәтә ҭыԥқәа дырхәмаруеит.
Аицлабрақәа рыӡбаҩ хада – Оҭар Лакрба.
Атурнир аиҿкаара ахахьы иагеит – Аҟәа ақалақь Ахадара аҿари аспорти рзы Аусбарҭа.
