Аҟәа. Ԥхынҷкәынмза 10, 2022 шықәса. Аԥсныпресс. Ԥхынҷкәынза 12 рзы Москватәи аконсерваториа азал Ду аҿы имҩаԥысуеит аиубилеитә XX афестиваль «Хьыбла Герзмаа шәаалыԥхьоит».
Аопертә сцена апримадонна асценаҿы илыцықәгылоит лҩызцәа, еицырдыруа авокалистцәа Вероника Џьиоева (сопрано), Дмитри Корчак (тенор), Васили Ладиук (баритон).
Зыхьӡ нагоу анагӡаҩцәа аклассикатә музыка абзиабаҩцәа ирыздырхиеит иналукаааша адунеи зегьы аҿы еицырдыруа ашедеврқәа рыла ишьақәгылоу зеиӷьаҟам апрограмма.
Аконцерт аҿы амузыка анагӡара ахахьы иагеит К.С. Станиславскии В.И. Немирович-Данченкои рыхьӡ зху Москватәи академиатә музыкатә театр аоркестр, адирижиор – Урыстәыла жәлар рартит, амаестро Феликс Коробов. Аусмҩаԥгатә Аҟәеи Пицундеи ихацыркыз аиубилеитә фестиваль аконцертқәа рсериа хнаркәшоит.
