Аинформациатә Маҵзура Аԥсныпресс аколлектив рколлегацәа рныҳәа рыдырныҳәалоит, ирзеиӷьаршьоит агәабзиара, агәамч, иҿыцу апроектқәа, азанааҭтә қәҿиарақәа, аихьӡара дуқәа, аизҳазыӷьара!
08.Ԥхынҷкәын.2022
АИНФОРМАЦИАТӘ МАҴЗУРА SPUTNIK АԤСНЫ 8 ШЫҚӘСА АХЫҴИТ!
Аҟәа. Ԥхынҷкәынмза 8, 2022 шықәса. Аԥсныпресс. Ԥхынҷкәынмза 8 рзы амшиира азгәанаҭоит аинформациатә Маҵзура Sputnik Аԥсны. Раԥхьаӡа уи Аԥсны ицәырҵит ԥхынҷкәынмза 8, 2014 шықәса рзы. Убри амш инаркны агентра асаит аҿы есыҽны, ессааҭ Аԥсны еиԥш уи анҭыҵгьы имҩаԥысуа хадара злоу ахҭысқәа рзы аинформациа анылоит.
