«Аҵыхәтәантәи амчыбжьқәа рзы афымцамч инамаданы ауадаҩрақәа ҳаман, аха Урыстәыла анапхгара иабзоураны ари ауадаҩра аԥыхын»,-ҳәа иҳәеит Аҳәынҭқарра Ахада.

Аҳәынҭқарратә Дума Ахантәаҩы Аԥсны Ахада иҭабуп ҳәа еиҳәеит аиԥыларазы. «Ҳара ҳтәылақәа ҳанрылацәажәо, ҳаизыҟазаашьақәа аиҩызаратәи, астратегатәи ҟазшьа шрымоу ҳасаб азаҳаулароуп. Аизыҟазаашьақәа реизырҳара амҩақәҵара зылшо   аҳәынҭқарра Ахадацәа. Ҳара хықәкыс иҳамоу - иҳадаҳкыло азыӡбақәа  закәанла реиқәыршәароуп. Арҭ азҵаарақәа лыҵшәа рыманы иҳаӡбароуп», - ҳәа иҳәеит Виачеслав Володин.

Иара иажәақәа рыла, ахархәара рзутәуп «иҿыцу аформатқәа апарламенттә шәага-загақәа рҳәаа иҭагӡаны, ҳтәылауаа ринтересқәа ирықәыршәаны азҵаарақәа рыӡбаразы, ҳҳәынҭқаррақәа рыбжьара аизыҟазаашьа аҿиара рымазарц азы».

Аиԥылара иалахәын: аԥсуа ган аҟнытә – Аԥсны Жәлар Реизара – Апарламент Аиҳабы Лаша Ашәбеи, Аԥсны Ахада Иадминистрациа Анапхгаҩы

Џьансыхә Нанба; урыстәылатәи аган аҟнытә  – Аҳәынҭқарратә Дума Ахантәаҩы ихаҭыԥуаҩ Сергеи Неверов, Ихьыԥшым Аҳәынҭқаррақәа Реиҩызара аусқәеи, евразиатәи аинтеграциеи, аџьынџьуаа рымадареи рзы Аҳәынҭқарратә Дума аилак ахантәаҩы Леонид Калашников, Аԥсны Аҳәынҭқарраҟны иҟоу УА Аҷыдалкаатәи Азинмчи змоу Ацҳаражәҳәаҩ Михаил Шургалин.