– Аԥсни Приднестровиеи асоциалтә ҿиареи асоциалтә хьчареи рызҵаарақәа рыӡбара алзыршо анорматив-зинтә шәҟәынҵақәа рзы   аинформациа ала аимадара;

–аҩганк рҟынтәи инагоу аспециалистцәа радыԥхьаларала асеминарқәа, асимпозиумқәа, аконференциақәа, ацәыргақәҵақәа, анаукатә еиԥыларақәа, уҳәа асоциалтә ҿиареи асоциалтә хьчареи русхкы аҿы егьырҭ аусмҩаԥгатәқәа  реицымҩаԥгара;

– Асоциалтә ҿиареи асоциалтә хьчареи русхкы аҿы аекспертцәа, аҭҵааҩцәа, аспециалистцәа рыбжьара аԥышәеимадара амҩаԥгара;

– Аҩган ртерриториақәа рҿы асоциалтә ҿиареи асоциалтә хьчареи рзы еиуеиԥшым апрограммақәа ралагалара;

– Асоциалтә ҿиареи асоциалтә хьчареи русхкы аҿы аинформациа аҭареи аимадареи рызҵаарақәа рыла еиԥырҟьам аусеицура амҩаԥгара; 

- Аганқәа рҵарадырратә усбарҭақәа рҿы асоциалтә ҿиареи асоциалтә хьчареи русхкы аҿы аспециалистцәа разыҟаҵареи реиҭазыҟаҵареи алыршара;

- Аганқәа ртерриториақәа иахьрыҵанакуа асоциалтә ҿиареи асоциалтә хьчареи русхкы аҿы аинформациа-коммуникациатә технологиақәа рыҿиара;

– Аԥсни Приднестровтәи Молдавтәи Ареспубликеи ртәылауаа  ареабилитациатәи аиҭашьақәыргыларатәии асанатор-курорттәии ацхыраара рыҭара аиҿкаара;

- Аԥсни Приднестровтәи Молдавтәи Ареспубликеи ртәылауаа  апротезтәии апротез-ортопедиатә цхыраара рыҭара аиҿкаара.