Аҟәа ақалақь апрокуратура ала имҩаԥгоу ашьаустә усеилыргара аматериалқәа рыла ишышьақәыргыло еиԥш, ԥхынгәымза 17, 2021 шықәса,  20 сааҭи 00 минуҭи инарзынаԥшуа, Гәыдалиа Игор Енварбеи-иԥа иашьа гәакьа Гәыдалиа Руслан Енварбеи-иԥа дицны Ӡыба Беслан Леонид-иԥеи дареи хаҭала ирыбжьалаз аимак-аиҿак аҭышәынтәалара азы Агрба Гарри Хьудар-иԥеи Зыхәба Аслан Игор-иԥеи Гәыдалиа Артур Шамел-иԥеи рыцны, Зыхәба А.И. зыԥсҟы икыз автомашьына «Nissan Skyline» (аҳәынҭқарратә шәҟәҭагаларатә дырга О336ОМ АВН) ала, зыхҭаларшә 7,62 мм. рҟынӡа инаӡо автомат  «Калашникова «АКМ», уи иатәу аџьаԥҳаны ацны, зыхҭаларшә  9 (9х18) мм. рҟынӡа инаӡо атапанча  «Макарова «ПМ», уи иатәу аџьаԥҳаны ацны, зыхкы шьақәыргылам арҭҟәацга, уҳәа рыла еиқәных, Аҟәа ақалақь, В.Лакоба имҩеи Цәыббра-30 амҩеи реихысырҭаҿы игылоу афатәҭирҭа «Мықә»  иатәу ауарашжәырҭа ахь инеит.  

Ауарашжәырҭа аҩныҵҟа Руслан Гәыдалиеи, Гарри   Аҩӡбеи Аслан Зыхәбеи Беслан  Ӡыбеи ажәақәа еимаркит, анаҩс урҭ аибаԥҟара ахь игылеибагеит.  Убри аамҭазы Аслан Зыхәба атапанча «Макарова «ПМ» ала Беслан Ӡыба деихсит. Ахәра зауз Беслан Ӡыба аҿагылара аҳасабала атапанча «Макаров-«ПМ» ала Аслан Зыхәбеи Руслан Гәыдалиеи дреихсны ихәит. 

Имҩаысуаз зегьы амашьына «Nissan Skyline» аҟынтәи избоз  Игор Гәыдалиа ауарашжәырҭа дааҩнаԥаланы автомат «Каоашников «АКМ» ала Беслан Ӡыба  иганахьала 7-нтә еиҵамкәа дхысит.  Иоуз ахәрақәа ирыхҟьаны Беслан Ӡыба иԥсҭазаара далҵит.