Абҵарамза 26 – ари акыр зҵазкуа рыцхуп ҳара ҳзы. Аԥсны Аконституциа ауп зқьышықәсала иаауа аҭоурых змоу ихьыԥшым Аԥсны иасимволны иҟоу. Аконституциа ҳаамҭазтәи ауаажәларратә еилазаара рыхәдуқәа шьақәнарӷәӷәоит. Ихадоу азакәан иану аԥҟарақәа рдырра рыхәҭоуп Аԥсны атәылауаа зегьы», - ҳәа иазгәаҭоуп адынҳәаларатә шәҟәы атекст аҟны.
«Аԥсны иқәынхо аурысцәа реилазаара» ареспублика аҿы инхо ауааԥсыра зегьы аҭынчреи азинтә ҭышәынтәалареи аизҳазыӷьареи азакәан иашьашәаланы анхареи рзеиӷьанашьоит.
