Аҟәа. Абҵарамза 26, 2022 шықәса. Аԥсныпресс. Приднестровиатәи Молдавиатәи Ареспублика Ахада Вадим Красносельски Аԥсны Аҳәынҭқарра Ахада Аслан Бжьаниа Аконституциа амш идиныҳәалеит.
Адныҳәалара атекст аҟны иҳәоуп:
«Ҳаҭыр зқәу Аслан Гьаргь-иԥа!
Приднестровиа ажәлари хаҭала сара сыхьӡалеи гәык-ҧсык ала ишәыдаҳныҳәалоит Аԥсны Аҳәынҭқарра Аконституциа Амш !
Акырӡа иуадаҩу агеополитикатә ҭагылазаашьаан Аԥсны азакәан хада ихадароу ароль нанагӡоит ауаажәларразыакырӡа зҵазкуа: амилаҭтә акзаара, ауаажәларратә адоуҳатә ҳәоуеиқәшәареи атәыла аполитикатәи аекономикатәи ҭышәынтәалареи рыҟны.
Иахьа Аԥсны актуалра змоу аҩныҵҟатәии адәныҟатәии ашәарҭарақәа риааирала хьаҳәа-ԥаҳәарада илнахыз аҳәынҭқарра арӷәӷәареи аҿиареи ирызку амҩа иануп.
Аҭагылазаашьа схы иархәаны, исҳәарц сҭахуп ҳтәылақәа ирыбжьоу аизыҟазаашьақәа аиҩызара, аҳаҭыреиқәҵареи агәреибагареи шьаҭас иаҭаны аԥхьаҟагьы аҿиара шроуа.
Ҳаҭыр зқәу Аслан Гьаргь-иԥа, акрызҵазкуа абри Амш аҽны Шәаргьы аиашьара ҳзызуа Аԥсны жәларгьы ишәзеиӷьасшьоит аҭынчра, шәыԥсадгьыл аизҳазыӷьара ахьӡала аихьӡара ҿыцқәа!»
