Аҟәа. Абҵарамза 1, 2022 шықәса. Аԥсныпресс. Жьҭаарамза 27, 2022 шықәса рзы Аҟәа араион апрокуратура Акаба Владимир Игор-иԥа иганахьала Аԥсны Ашьусеилыргаратә Закәанеидкыла ахәҭаҷ 99, ахәҭа 1 иазԥхьагәанаҭо ацәгьоура, Малыиа Алхас Зураб-иԥа гәҭакыла ишьра инамаданы ашьаустә усеилыргара хацнаркит.
Аԥсны апрокуратура Хада асаит аҿы иҟоу адыррақәа рыла, жьҭаарамза 26, 2022 шықәса, асааҭ 19:00 инарзынаԥшуа, Акаба Владимир Игор-иԥа иҩны, (Аҟәа араион, Ӡгәыҭа ақыҭа, Альпискаиа амҩа, аҩны № д.73 «А») аишәачара аан, макьаназы ишьақәыргылам ахкы змоу иҭҟьо амцабџьар ала гәҭакыла Малыиа Алхас Зураб-иԥа ихәдаџьад ахьыҟаз ала диеихсит.
Алхас Малыиа, Ареспубликатә хәышәтәырҭа ахь днаган, аха уи иоуз ахәрақәа ирыхҟьаны иԥсҭазаара далҵит.
Жьҭаарамза 27 рзы амилициа аусзуҩцәа дааныркылеит Акаба Владимир Игор-иԥа, уи Аҟәа араион аҩныҵҟатәи аусқәа рыҟәша аусеилыргараанӡатәи аамҭалатәи аԥхьакырҭа ахь днагахеит. Жьҭаарамза 28 рзы Аҟәатәи араионтә ӡбарҭа Владимир Акаба иганахьала ахьырхәра аҳасабала абаандаҩтәра алнахит.
