Алеқсандр Анқәаб шьаҭанкылатәи аргылара азы Аусбарҭа анапхгаҩы атәылахьчара Аминистрра алархәны аусмҩаԥгатәқәа рсиа иалагалоу арратә инфраструктура иаҵанакуа аобиектқәа ргәаҭара мҩаԥигарц азы анапынҵа ииҭеит.
01.Абҵара.2022
АМИНИСТРЦӘА РЕИЛАЗААРА АҾЫ АТӘЫЛАХЬЧАРАЛШАРА АРӶӘӶӘАРА ИАЗКУ АУСМҨАԤГАТӘҚӘА РЗЫ АИЛАЦӘАЖӘАРА МҨАԤЫСИТ.
Аҟәа. Абҵарамза 1, 2022 шықәса. Аԥсныпресс. Аҳәынҭқарра Ахада Аслан Бжьаниа иҟаиҵаз анапынҵақәа рыла аԥыза-министр Алеқсандр Анқәаб аԥыза-министр ихаҭыԥуаҩ Сергеи Пустовалов, шьаҭанкылатәи аргылара азы Аусбарҭа анапхгаҩы Ҭемыр Агрба, атәылахьчара аминистр ихаҭыԥуаҩ Лизберт Порцхол-оглы алархәны, атәылахьчаралшара арӷәӷәара иазку аусмҩаԥгатәқәа рынагӡара иадҳәалоу азҵаарақәа рылацәажәара мҩаԥигеит. Абри атәы анацҳауеит аминистрцәа Реилазаара апресс-маҵзура.
