Азанааҭдырра аҩаӡара ашьҭыхра иазку акурсқәа мҩаԥыслоит латәаралатәи еиԥш латәарадатәи аформат ала. Ашьақәгылатә сессиа ҩымчыбжь ирылагӡны–абҵарамза 11-нӡа имҩаԥыслоит. Имҩԥгахоит – алекциақәа, аиҿцәажәарақәа, атренингқәа.
Иазԥхьагәаҭоуп иара убас аметодикатә сааҭ амҩаԥгара — онлаин-урокқәеи амастер-классқәеи. Латәарадатәи аформа иазԥхьагәанаҭоуп аихшьаалатә аттестациатә усумҭа – ареферат аҩра. Азыӡырҩцәа доусы иалихыз атемақәа руак ала ареферет иҩыр акәхоит. Аихшьаалатә квалификациатә усумҭақәа рылҵшәақәа рыла акурсқәа ралгара азы аршаҳаҭгақәа рыҭахоит. Алекциақәа арҵаҩцәа ирзаԥхьоит ААУ аҭоурыхтәии азиндырратәи афакультетқәа рырҵаҩцәа. Ааԥхьара зауз арҵаҩцәа аонлаин-урокқәеи амастер-классқәеи мҩаԥыргалоит. Акурсқәа ирылахәхо зегьы рзы Аԥсны аҭоурыхи ауаажәларрадырреи рзы аҵаратә цхыраагӡатәқәа зҭоу аметодикатә папкақәа рхиахоит.
